Msxetada ödəniş terminallarından oğurluq edən qrup ifşa olunub

Gürcüstanın Msxeta-Mtianeti Polis Departamentinin əməkdaşları qabaqcadan əlbir olan bir qrup şəxs tərəfindən külli miqdarda oğurluq törətməkdə şübhəli bilinən iki nəfəri saxlayıb.

Xeber.ge xeber  verir ki, saxlanılan şəxslər 2006-cı il təvəllüdlü X.B. və 2001-ci il təvəllüdlü Q.T.-dir. İstintaqla müəyyən edilib ki, təqsirləndirilən şəxslər müxtəlif vaxtlarda Msxeta bələdiyyəsi ərazisində yerləşən sürətli ödəniş terminallarını qarət edərək, ümumilikdə 12 000 lariyə yaxın vəsaiti qanunsuz olaraq mənimsəyiblər.

Faktla bağlı Gürcüstan Cinayət Məcəlləsinin 177-ci (oğurluq) və 19-177-ci (oğurluğa cəhd) maddələri ilə cinayət işi başlanılıb. Saxlanılan şəxsləri 10 ilədək müddətə azadlıqdan məhrumetmə cəzası gözləyir.