Sağlamlığa qəsdən zərər vuran gənc saxlanılıb

Daxili İşlər Nazirliyinin Tbilisi Polis Departamentinin İsani-Samqori idarəsinin əməkdaşları, sağlamlığa qəsdən az ağır zərər vurma ittihamı ilə 2003-cü il təvəllüdlü Q.Ts.-ni saxlayıblar.

Xeber.ge xeber  verir ki, DİN-in məlumatına görə, istintaqla müəyyən edilib ki, Tbilisidə təqsirləndirilən şəxslə 1971-ci il təvəllüdlü Q.Q. arasında baş verən şifahi mübahisə fiziki qarşıdurmaya çevrilib. Bu qarşıdurma zamanı Q.Q. bədən xəsarətləri alıb və müvafiq tibbi yardım göstərilməsi üçün klinikaya yerləşdirilib.

Hüquq-mühafizə orqanlarının əməkdaşları tərəfindən həyata keçirilən operativ-axtarış və istintaq tədbirləri nəticəsində Q.Ts. cinayəti törətdikdən qısa müddət sonra şübhəli şəxs qismində saxlanılıb.

Faktla bağlı Cinayət Məcəlləsinin 118-ci maddəsinin birinci hissəsi (sağlamlığa qəsdən az ağır zərər vurma) ilə istintaq aparılır. Bu maddə 4 ilə qədər müddətə azadlıqdan məhrum etmə cəzasını nəzərdə tutur.