Kobaxidzenin məktubu utancvericidir və hökumətin mənəvi və siyasi tənəzzülünün göstəricisidir

Gürcüstanın beşinci prezidenti Salome Zurabişvili Baş nazir İrakli Kobaxidzenin ABŞ prezidenti Donald Tramp və vitse-prezident Cey Di Vensə ünvanladığı açıq məktuba kəskin reaksiya verib.

Onun sözlərinə görə, bu məktub hökumətin tam ümidsizliyini və siyasi yöndən dağılmasını əks etdirir.

“Cəmiyyət bu məktubu mütləq oxumalıdır – bu, utancvericidir. Orada nə diplomatik etika, nə də dostluq münasibətlərinə hörmət əks olunub. Yalnız çaşqınlıq və siyasi nizamsızlıq görünür,” – deyə Zurabişvili bildirib.

Onun sözlərinə görə, bu məktub onu göstərir ki, Bidzina İvanişvili nə “MEGOBARI Aktı”nın nəticələrini idarə edə bilir, nə də strateji tərəfdaşlıq münasibətlərini qoruya bilir.

“Çox maraqlıdır, bu məktubu Amerika prezidenti özü oxuyacaqmı? Amma oxuyan hər kəs şoka düşəcək – 30 ildir ABŞ-ın dəstəyini görən ölkədən belə bir məktub gəlməsi ağlasığmazdır. ABŞ bizə ordu qurmaqda, iqtisadiyyatın inkişafında, təhlükəsizliyimizin təminində yardımçı oldu. Bu, bizim ‘təşəkkürümüzdürmü’? Bu bizim milli ənənəmizdirmi?” – deyə o qeyd edib.

Zurabişvilinin fikrincə, Kobaxidzenin məktubu göstərir ki, “Gürcü Arzusu” mənəvi və siyasi baxımdan tənəzzülə uğrayır:

“Bu məktub – hökumətin çöküşünün başlanğıcıdır. Biz bunu bu gün aydın şəkildə görməliyik,” – deyə Salome Zurabişvili bildirib.

mənbə: interpress