Lentexidə güclü yağış bir çox problemlər yaradıb – yollar və körpülər zədələnib

Lentexi bələdiyyəsində gecə saatlarında yağan güclü yağış nəticəsində bir neçə yerdə torpaq sürüşməsi baş verib. Nəticədə avtomobil yolları və körpülər zədələnib.

Təbii fəlakət bölgəsində zərərçəkmiş ərazilərdə hazırda bərpa işləri davam edir.

Məlumata görə, fəlakət zamanı turistlərdən ibarət bir qrup təhlükəsiz zonadan çıxa bilməyib. Lakin axtarış-xilasetmə xidmətləri qısa müddətdə turistləri təhlükəli ərazidən çıxararaq təhlükəsiz yerə köçürüblər.

Hazırda Lentexidən Mele kəndinə qədər olan yol yüksək keçidli nəqliyyat vasitələri üçün açıqdır. Mele kəndindən Tsana istiqamətində yolun açılması istiqamətində işlər davam edir, lakin texnikanın hərəkətini torpaq sürüşməsi ocaqları çətinləşdirir. Fövqəladə hallara qarşı xidmətlər ərazidə intensiv işləyir.

mənbə: interpress