'Unikal Med'də baş verən hadisənin detalları

Kutaisi "Unikal Med" klinikasının gənc tibb işçisi iş yerində intihara cəhd göstərib.

Xeber.ge xeber  verir ki, qadın iş prosesi zamanı özünə ağır xəsarətlər yetirib.

Şahidlərin sözlərinə görə, soyuq silahla yetirilmiş xəsarətlərin ağırlığı səbəbindən həkimə dərhal təcili tibbi yardım göstərilib və o, xəstəxanaya yerləşdirilib.

Hadisənin səbəbi: Müdiriyyətlə münaqişə və "psixoloji terror" iddiası

Klinika əməkdaşlarının bildirdiyinə görə, bu radikal addıma səbəb müəssisənin direktoru Kaxa Nuralidze ilə baş vermiş mübahisə olub. İnsidentdən az əvvəl həkimlə direktor arasında kəskin şifahi qarşıdurma yaşandığı bildirilir. Heyətin bir hissəsi iddia edir ki, artıq bir neçə aydır direktorluq tərəfindən ciddi psixoloji təzyiq və "terror" altında işləyirlər.

Hüquq-mühafizə orqanları klinikanın daxili və xarici ərazisində saatlarla istintaq tədbirləri həyata keçirib. Ekspert-kriminalistlər müşahidə kameralarının görüntülərini və gənc qadının özünə xəsarət yetirdiyi bıçağı maddi sübut kimi götürüblər.

Direktorun cavabı: "Bu, mənə qarşı provokasiyadır"

Klinikanın direktoru Kaxa Nuralidze irəli sürülən ittihamlara cavab verib. O, əməkdaşların dediklərini təkzib edərək, baş verənlərin ona qarşı əvvəlcədən planlaşdırılmış bir provokasiya olduğunu iddia edib.

Faktla bağlı araşdırma aparılır.