Tiflis AŞPA-nı rədd etdi: Qırmızı xətti keçir
AŞPA Gürcüstandakı seçki ilə bağlı qəbul etdiyi qətnamədə faktiki olaraq gürcü xalqının seçimini ləğv etmək istəyir, bu, daxili işlərə qarışmaqdır.
Bunu Gürcüstan parlamentinin spikeri Şalva Papuaşvili “İmedi” telekanalının efirində deyib.
“Heç kimin gürcü xalqının iradəsini ləğv etməyə haqqı yoxdur. AŞPA-da məhz belə bir cəhd gördük. Hər kəsi obyektiv olmağa və qırmızı xətləri keçməməyə çağırırıq”, - o bildirib.
Qeyd edək ki, respublikanın hakimiyyət orqanlarını yeni parlament seçkisi keçirməyə çağıran qətnamənin qəbuluna görə Gürcüstan nümayəndə heyəti AŞPA-da fəaliyyətini dayandırıb.
mənbə: axar
