Xaraqaulidə itkin düşmüş 3 çoban axtarılır

Xaraqauli rayonunun Xidari kəndində üç nəfərin axtarış-xilasetmə işləri davam edir.

Onlar mal-qaranı otarmaq üçün Sakraula dərəsinə aparıblar və daha sonra əlaqə kəsilib.

Rayon meriyasının mətbuat xidmətinin verdiyi məlumata görə, artıq iki nəfərin – Tariel Xetsadze və Qriqol Beradzenin koordinatları müəyyən edilib. Hazırda isə Merab Koçadzenin olduğu yer müəyyənləşdirilir.

Axtarış-xilasetmə əməliyyatına Gürcüstan Müdafiə Nazirliyinin qüvvələri və Daxili İşlər Nazirliyinin Fövqəladə Halların İdarəolunması Xidmətinin əməkdaşları cəlb olunub. Ərazidə dron vasitəsilə monitorinq aparılır.

Məlumata görə, itkin düşən şəxslər bir-birindən təxminən 3 kilometr məsafədə yerləşir. Bölgədə qar örtüyünün hündürlüyü 3 metrə çatır.

Həmçinin, kəndin təşəbbüs qrupu ərazidə yol açmaq üçün səylər göstərir. Axtarış işləri davam etdirilir.

mənbə: Interpress