Gürcüstanda miqrasiya qaydalarını pozan 6 əcnəbi saxlanılıb

Daxili İşlər Nazirliyinin məlumatına əsasən, Miqrasiya Departamenti və Sərhəd Polisinin əməkdaşları tərəfindən keçirilmiş birgə kompleks tədbirlər nəticəsində Türkiyə, İran, Hindistan, İraq və Misir vətəndaşı olan ümumilikdə 6 nəfər saxlanılıb.

Məlum olub ki, saxlanılan şəxslər Gürcüstanda qanuni əsas olmadan yaşayırdılar və sığınacaq prosedurlarından sui-istifadə edərək illərlə ölkədə qeyri-qanuni şəkildə qalmışdılar.

Onlar Gürcüstanı könüllü şəkildə tərk etmək üçün ayrılmış müddətdə ölkəni tərk etməyiblər. Nəticədə, Miqrasiya Departamenti onların saxlanılması barədə qərar qəbul edib.

Hazırda saxlanılan şəxslər Miqrasiya Departamentinin müvəqqəti yerləşdirmə mərkəzində saxlanılır və doğma ölkələrinə geri qaytarılmaları ilə bağlı prosedurlar aparılır.

mənbə: interpress