Gürcüstanda may ayınadək sərin və yağışlı hava şəraiti davam edəcək

Gürcüstan Milli Ətraf Mühit Agentliyi aprel ayının son günləri üçün hava proqnozunu yeniləyib.

Xeber.ge xəbər verir ki, məlumata görə, mayın 1-nə qədər ölkə ərazisində nisbətən sərin və bəzi rayonlarda yağışlı hava şəraiti müşahidə olunacaq.

• Tbilisi: Aprelin 28-də paytaxtda əsasən yağmursuz, lakin küləkli hava gözlənilir. Aprelin 29-30-da isə arabir zəif yağış yağacağı və duman olacağı ehtimal edilir. Temperatur gündüz saatlarında +17...+19°C təşkil edəcək.
• Kartli (Rustavi, Bolnisi, Qori): Bölgənin bəzi ərazilərində qısamüddətli yağış yağacağı proqnozlaşdırılır. Temperatur: +17...+19°C.

• Düzənlik rayonlar (Kutaisi, Zuqdidi, Samtredia): May ayınadək zəif yağışlı hava şəraiti üstünlük təşkil edəcək. Temperatur: +19...+21°C.
• Sahil rayonları (Batumi, Kobuleti, Poti): Aprel ayının sonunadək arabir yağış yağacağı gözlənilir. Temperatur: +16...+18°C.
• Dağlıq ərazilər (Ambroloauri, Oni, Çiatura): Bəzi yerlərdə mütəmadi yağış ehtimalı var. Temperatur: +16...+18°C.

• Kaxeti (Telavi, Siqnaxi, Laqodexi): Bölgədə sərin və yağışlı hava şəraiti gözlənilir. Temperatur: +16...+18°C.
• Dağlıq rayonlar (Borjomi, Axaltsixe): Bəzi yerlərdə yağış yağacağı ehtimal olunur. Temperatur: +14...+16°C.
• Yüksək dağlıq ərazilər (Mestia, Bakuriani, Qudauri, Axalkalaki): Yüksək dağlıq ərazilərdə hava daha sərin keçəcək, temperatur gündüz saatlarında +10...+16°C (şərqdə +10...+12°C) arasında dəyişəcək.

Sinoptiklərin məlumatına görə, may ayının ilk günlərindən etibarən temperaturun tədricən yüksələcəyi gözlənilir.