Təchizatçı şirkətlərin anbarları möhürləndi

Tbilisinin uşaq bağçalarında uşaqların zəhərlənməsindən sonra istintaq indi hansı qida məhsulunun zəhərlənmə səbəbi olduğunu və onun kim tərəfindən təchiz edildiyini müəyyənləşdirməyə çalışır.

XEBER.GE xeber  verir ki, "Mtavari"nin məlumatına görə, təchizatçı şirkətlərin anbarları möhürlənib, məhsul nümunələri götürülüb, şirkət nümayəndələri isə dindirilməyə çağırılıb.

"Bəli (dindirilmədə idim), qida təhlükəsizliyi qurumu idi və nümunə götürdülər. Biz dənli bitkilər və meyvə-tərəvəz daxil edirik. Həqiqətən də möhürlədilər və həqiqətən də apardılar. Araşdırmaların həqiqətən aparılmasına dair imza çəkdim", – deyə Nanuli Sipraşvili bildirir.

Şirkət nümayəndəsi uşaqların onlar tərəfindən təchiz olunmuş qida ilə zəhərləndiyini istisna edir.

"In" MMC, "Rio" MMC, Teleti Quşçuluq Fabriki, "Foodservice" MMC, "Orni" MMC və "Kveba" MMC – uşaq bağçalarının təchizatı məhz bu şirkətlər arasında bölüşdürülüb. İndi məhz bu şirkətlərin təqdim etdiyi qidalara ekspertiza keçirilməlidir.

Qidaların alınması ilə bağlı tenderləri Tbilisi Meriyası elan etməyib – bağçalar üçün məhsul alışı konsolidə edilmiş tenderlər vasitəsilə həyata keçirilir. 2026-cı ilin iyun ayından etibarən bu funksiyanı hökumət tərəfindən yaradılmış mərkəzi satınalma qurumu həyata keçirir. Rəsmi satınalma sistemində də Tbilisinin uşaq bağçaları üçün qida məhsullarının tenderləri məhz mərkəzi satınalma qurumunun adı ilə elan edilib.

Buna görə də baş verənlərlə bağlı suallar təkcə Tbilisi Meriyasının və Kaxa Kaladzenin məsuliyyəti ilə bağlı yaranmır. Diqqət mərkəzində həm təchizatçıların seçilməsi prosesi, həm də Tbilisi Uşaq Bağçaları İdarəetmə Agentliyi tərəfindən qidanın keyfiyyəti və təhlükəsizliyinə nəzarət məsələsi dayanır.

Yüzlərlə lari xərclənən qidalanma o qədər keyfiyyətsiz həyata keçirilib ki, təəssüf ki, uşaqların sağlamlığı təhlükə altında qalıb və burada çox maraqlı bir detal var: görünür, dövlət Kaladzenin meriyasını və bütövlükdə bu qurumu o qədər korrupsiyalaşmış hesab edir ki, digər bələdiyyələrdən fərqli olaraq, Tbilisi Meriyası artıq uzun müddətdir ki, qida məhsullarının alınmasını özü həyata keçirmir və bunu Dövlət Satınalmaları Agentliyi ilə mərkəzi satınalma qurumu edir. Bu müqavilələrin icrasına nəzarət isə artıq Kaladzenin qurumunun məsuliyyətidir, yəni bu gün uşaqların sağlamlığının təhlükə altında qalmasına, əlbəttə ki, Kaladzenin qurumu cavabdehdir, həmçinin mərkəzi dövlət qurumları cavabdehtir. Həm cinayət hüququ, həm də siyasi baxımından onlara nə qədər güzəşt edilibsə, bu insanlar bir o qədər pisini edirlər.