Gürcüstan dövləti ailələrin ipoteka faizlərini ödəməkdə davam edir

Gürcüstanın "Gürcüstanda istehsal et" (Enterprise Georgia) agentliyi çoxuşaqlı və ya yeni övladı dünyaya gəlmiş ailələrin mənzil şəraitinin yaxşılaşdırılması məqsədilə dövlət tərəfindən subsidiyalaşdırılan ipoteka proqramını davam etdirir.

Xeber.ge xəbər verir ki, dövlət proqram çərçivəsində götürülən ipoteka kreditləri üzrə faiz dərəcəsinin bir hissəsini 60 ay (5 il) müddətində ödəyəcək.

  Dövlət dəstəyi aşağıdakı qaydada həyata keçirilir:

·         1 və ya 2 uşağı olan ailələr: Yenidən maliyyələşmə dərəcəsi (refinanslaşdırma) çıxılsın 3,5%, lakin maksimum 6% həcmində subsidiya;

·         3 və ya daha çox uşağı olan ailələr: Yenidən maliyyələşmə dərəcəsi çıxılsın 1,5%, lakin maksimum 8% həcmində subsidiya.

·         Kreditin həcmi: Proqram çərçivəsində subsidiyalaşdırılan maksimal kredit məbləği 200 000 lari təşkil edir. Alınan mənzilin dəyəri bu məbləğdən yüksək ola bilər, lakin dövlət yalnız 200 min lariyə qədər olan hissəyə dəstək verir.

·         Benefisiarlar: Proqramdan 1 sentyabr 2021-ci il tarixdən sonra övladı dünyaya gəlmiş (1 yaşınadək) ailələr, tək valideynlər, dul şəxslər və övladlığa uşaq götürənlər yararlana bilər.

·         Əhatə dairəsi: Proqram Gürcüstanın bütün bölgələrini və paytaxt Tbilisini əhatə edir.

Kimlər yararlana bilər?

1.     1 sentyabr 2021-ci ildən sonra doğulmuş və hazırda 1 yaşınadək övladı olan ailələr.

2.     3 və ya daha çox azyaşlı uşağı olan ailələr (əgər kredit 1 sentyabr 2022-ci ilə qədər rəsmiləşdirilərsə).

3.     1 sentyabr 2021-ci ildən sonra azyaşlı uşağı övladlığa götürən şəxslər.

  Proqramdan bir uşaq üçün yalnız bir dəfə istifadə etmək olar. İstisna olaraq, 3-dən çox uşağı olan ailələr növbəti (4-cü və s.) övladları dünyaya gəldikdə yenidən müraciət edə bilərlər.

Hazırda Gürcüstanın kommersiya bankları proqram üzrə müraciətlərin qəbulunu davam etdirir.