Gürcüstana böyük miqdarda marixuana gətirən Malayziya vətəndaşı saxlanılıb

Gürcüstan Daxili İşlər Nazirliyinin məlumatına görə, xüsusilə böyük miqdarda narkotik vasitənin əldə olunması, saxlanması və ölkəyə qanunsuz gətirilməsi ittihamı ilə Malayziya Federasiyasının vətəndaşı, 1977-ci il təvəllüdlü M.T. saxlanılıb.

"Polis əməkdaşları Tbilisi Beynəlxalq Aeroportunda təqsirləndirilən şəxsin baqajını yoxlayarkən, onun çantasında xüsusilə böyük miqdarda – 20 kiloqram narkotik vasitə ‘marixuana’ aşkar edilərək maddi sübut kimi götürülüb. İstintaqla müəyyən olunub ki, M.T. sözügedən narkotiki Banqkokdan Tbilisiyə təyyarə ilə gətirib", – deyə DİN-in açıqlamasında qeyd olunur.

İstintaq Gürcüstan Cinayət Məcəlləsinin 262-ci və 273 prim maddələri ilə aparılır. Cinayət 20 ilə qədər və ya ömürlük həbs cəzasını nəzərdə tutur.

mənbə: marneulifm