"Gürcü Arzusu" Hökumətin Effektivliyi Departamentini yaradır

"Gürcü Arzusu"nun baş nazirinin təşəbbüsü ilə, partiyanın bugünkü hökumət iclasında parlamentə yeni qanun layihəsinin təqdim edilməsi barədə qərar qəbul edilib. Bu qanun layihəsi Hökumət Administrasiyasının səlahiyyətlərini əhəmiyyətli dərəcədə genişləndirəcək. Bu barədə Administrasiyanın rəhbəri Levan Jorjoliani məlumat verib.
Onun sözlərinə görə, Hökumətin Effektivliyi Departamenti yaradılacaq və icra hakimiyyətinin bütün strukturlarının qərarlarının icrasına nəzarət edəcək.

"Hökumət Administrasiyasında yeni bir departament yaradılacaq və daxili audit xidməti Hökumətin Effektivliyi Departamentinə çevriləcək. Biz həmçinin Dövlət Audit Xidməti ilə də danışdıq və orada real vaxt rejimində audit sistemi tətbiq ediləcək. Əvvəllər audit yalnız keçmiş illərə aid məlumatları əhatə edirdi, amma indi Dövlət Audit Xidməti davam edən layihələri qiymətləndirə biləcək.

Düşünürəm ki, bu, büdcə vəsaitlərinin səmərəli xərclənməsinə, həmçinin enerji sektoru, əmlak idarəçiliyi və digər sahələrdə daha effektiv addımların atılmasına kömək edəcək. Bizim idarəetmənin əsas prinsiplərindən biri şəffaflıq və hesabatlılıqdır. Yeni mexanizmin yaradılması da məhz bu iki əsas prinsipin gücləndirilməsinə xidmət edir." – deyə Levan Jorjoliani bildirib.

mənbə: marneulifm