Güclü külək səbəbindən Batumi hava limanında bir neçə istiqamət üzrə uçuşlar dayandırılıb

Xeber.ge xeber  verir ki, Batumi Beynəlxalq Hava Limanında güclü külək səbəbindən hava hərəkəti müvəqqəti dayandırılıb.

Pis hava şəraiti ucbatından sərnişinlər İsrail və Türkiyə istiqamətinə uçuş edə bilməyiblər. Terminalda uşaqlı ailələr də daxil olmaqla həm Gürcüstan, həm də digər ölkələrin vətəndaşları uçuşların bərpasını gözləyirlər.

Hava limanı idarəsinin məlumatına görə, uçuşlar hava şəraiti yaxşılaşan kimi həyata keçiriləcək.