Bir nəfər narkotik vasitələrin satışı ittihamı ilə saxlanıldı

Gürcüstanın Daxili İşlər Nazirliyinin məlumatına görə, İmereti Polis Departamentinin Kutaisi Şəhər İdarəsinin əməkdaşları tərəfindən həyata keçirilmiş əməliyyat-axtarış və istintaq tədbirləri nəticəsində Hindistan Respublikasının vətəndaşı, 2002-ci il təvəllüdlü T.T. narkotik vasitələrin satışı ittihamı ilə saxlanılıb.

Nazirliyin rəsmi məlumatında bildirilir ki, hüquq-mühafizə orqanları məhkəmə qərarı əsasında bir sıra gizli istintaq hərəkətləri həyata keçirib və bu tədbirlər nəticəsində T.T.-nin narkotik vasitələrin qanunsuz dövriyyəsi ilə məşğul olduğu müəyyən edilib. Polis əməkdaşları şübhəli şəxsdən bir neçə dəfə nəzarətli narkotik alışı həyata keçirib və bu proseslər audio-video vasitəsilə sənədləşdirilib.

Keçirilmiş əməliyyat zamanı maddi sübut kimi narkotik vasitə olan marixuana götürülüb.

Faktla bağlı araşdırmalar Gürcüstan Cinayət Məcəlləsinin 260-cı tərs maddəsinin birinci hissəsi və 273-cü prima maddəsinin ikinci hissəsi ilə aparılır. Cinayət əməli üzrə 10 ilə qədər azadlıqdan məhrumetmə cəzası nəzərdə tutulur.

mənbə: interpress