Ümumi səfərbərlik və hücum lazımdır
"Levan Xabeişvili və Murtaz Zodelavanın saxlanması kriminal rejimin hədsiz panikasının və acizliyinin ifadəsidir"
Bu barədə Gürcüstanın üçüncü prezidenti Mixeil Saakaşvili sosial şəbəkədə müxalifətçilər Levan Xabeişvili və Murtaz Zodelavanın həbsinə münasibət bildirərkən yazıb.
Mixeil Saakaşvilinin sözlərinə görə, indi səfərbər olmaq və hücuma keçmək lazımdır.
"Diktator İvanişvili müxalifətin əsl liderləri Levan Xabeişvili və Murtaz Zodelavanı vəhşicəsinə saxlayıb. Bu, cinayətkar rejimin ifrat panikasının və acizliyinin ifadəsidir. Onların yaxalandıqları ilə biabırçı və uğursuz motivləri demirəm. Bizə mütləq şəkildə ümumi səfərbərlik lazımdır və hücuma keçməliyik. Mütləq qalib gələcəyik. Yaşasın Gürcüstan!", - deyə o yazıb
mənbə: interpress
