Tbilisi Şəhər Məhkəməsi səhiyyə nazirinin keçmiş müavini barədə qərar verib

Tbilisi Şəhər Məhkəməsi səhiyyə nazirinin keçmiş müavini İliya Quduşauri barəsində qətimkan tədbiri olaraq 500 000 lari məbləğində həbs qətimkan tədbiri ilə əvəzlənən girov qərarı çıxarıb.

Xeber.ge xeber  verir ki, məhkəmənin qərarı ilə Quduşaurinin pasportu müsadirə olunub və ona prokurorun icazəsi olmadan ölkə sərhədlərini tərk etmək qadağan edilib. Eks-müavin vəzifə səlahiyyətlərindən sui-istifadə etməkdə ittiham olunur. Məlumata görə, təqsirləndirilən şəxs cinayətini etiraf edib və istintaqla əməkdaşlıq etməyə başlayıb.

İstintaq materiallarına əsasən, Səhiyyə Nazirliyi 70 təcili yardım avtomobilinin satın alınması üçün tender elan edib və prosesdə üç iddiaçı iştirak edib. Ən aşağı qiymət təklif edən şirkət qalib gəlsə də, Quduşauri tenderi qanunsuz olaraq ləğv edib.

Daha sonra tender şərtləri dəyişdirilərək yenidən elan edilib və şərtlər Quduşaurinin tanıdığı konkret bir iddiaçıya uyğunlaşdırılıb. Nəticədə nazirlik həmin şirkətə ən azı 2 milyon lari artıq vəsait ödəyib.