Stavropoldakı qəzada ölənlərin sayı artdı-VİDEO

Stavropol yaxınlığında baş verən avtomobil qəzasında həlak olanların sayı daha bir nəfər artdı.

XEBER.GE xeber  verir ki, yaralılardan birinin “TVPirveli”yə verdiyi məlumata görə, 6 yaşlı daha bir uşağın hər iki ayağı amputasiya olunmalı olub.

Abila Aşaen bildirir ki, müstəntiqlə artıq danışıblar və zərərçəkən sərnişinlərin baqajını və əşyalarını tapmaq üçün saat 3-də getməyi planlaşdırırlar.

"Çox ağır vəziyyətdir... Bir nəfər vəfat etdi, 6 yaşlı balaca uşağın isə hər iki ayağını kəsdilər. Bəzilərinin sənədləri və pasportları avtobusda qalıb. İndi müstəntiqlə də danışdım, saat 3-də insanlara baqajlarını və sənədlərini tapmaqda kömək edəcəyik. Bəziləri geri Moskvaya gedir, bəziləri isə Gürcüstana qayıdır", — deyə Abila Aşaen bildirib.

Rusiya mediasının məlumatına görə, Rusiyanın Stavropol diyarında Gürcüstandan gedən avtobusla "KAMAZ" markalı yük maşınının toqquşması nəticəsində beş nəfər həlak olub, 5-i uşaq olmaqla 24 nəfər xəsarət alıb. Yol polisinin bildirdiyinə görə, dörd uşağın vəziyyəti kafi, bir uşaq isə reanimasiyadadır.

Yol-nəqliyyat hadisəsi yerli vaxtla təxminən gecə saat 01:00 radələrində İnozemtsevo kəndi yaxınlığında baş verib.

Xarici İşlər Nazirliyindən Tbilisidən Moskva istiqamətində gedən və qəzaya uğrayan sərnişin avtobusunda Gürcüstan vətəndaşlarının da olduğunu təsdiqləyirlər.

Qurumdan "TVPirveli"yə verilən məlumata görə, "İsveçrə Konfederasiyasının Rusiya Federasiyasındakı Səfirliyinin Gürcüstan Maraqları Bölməsi Tbilisi–Moskva marşrutu ilə hərəkət edən sərnişin avtobusunda olan Gürcüstan vətəndaşları haqqında məlumatın əldə edilməsi üçün bütün zəruri tədbirləri həyata keçirir".

Rəsmi şərhdə avtobusda neçə Gürcüstan vətəndaşının olduğu dəqiqləşdirilməyib. Onların vəziyyəti barədə də heç nə deyilmir.