"NATO-Gürcüstan Təlimləri 2025" başladı

Gürcüstanda "NATO-Gürcüstan Təlimləri 2025" adlı hərbi təlimlərə start verilib.

Bu barədə ölkənin Müdafiə Nazirliyi məlumat yayıb.

Bu, hər üç ildən bir keçirilən NATO-Gürcüstan təlimlərinin sayca dördüncüsüdür.

Bildirilir ki, "NATO-Gürcüstan Təlimləri 2025" NATO-nun Avropada Ali Baş Komandanlığı (SHAPE) və Gürcüstan Müdafiə Qüvvələri Baş Qərargahı tərəfindən planlaşdırılıb. Tədbir NATO tərəfindən hazırlanmış ssenari, müvafiq prosedur və doktrinalara uyğun olaraq həyata keçirilir.

Çoxmillətli təlimlərdə NATO-nun 17 üzv və tərəfdaş ölkəsi iştirak edir ki, onların arasında Azərbaycan da var.

mənbə: oxu