Mecvrisxevidə şimşək 13 yaşlı uşağı vurdu

Mecvrixhevi yaxınlığında şimşək çaxması zamanı xəsarət alan yeniyetmələr Tbilisidə, İaşvili klinikasında müalicə olunurlar.

XEBER.GE xeber  verir ki, məlumdur ki, avqustun 29-da Mecvrisxevi yaxınlığında şimşək çaxması zamanı ildırım 13 yaşlı yeniyetmə Şotiko Məkva bişvilini vurub. "Qartlis Ambebi"nin məlumatına görə, güclü dalğa onun döş qəfəsi nahiyəsinə ziyan vurub və dabanını yaralayıb. Çöldə onun yanında olan Qoderdzi Eloşvilini isə güclü dalğa yerə yıxıb, uşağın əlindən hətta ağac çomağı da düşüb.

Həmin gün nə baş verdiyi və hadisələrin necə cərəyan etdiyi barədə "Qartlis Ambebi"yə uşaqların yaxını Mano Qiqolaşvili ətraflı danışır. Uşaqlar onun qardaşı Qiqo Qiqolaşvilinin fermasında olublar.

Mano Qiqolaşvilinin dediyinə görə, Şotiko Məkva bişvili və Qoderdzi Eloşvili həmin gün Qiqo Qiqolaşviliyə mal-qaranı gətirməyə kömək edirmişlər. Uşaqlar orada olmaqdan xüsusilə şad olur, mal-qaraya qulluq etməklə yanaşı at sürür və vaxtlarını şən keçirirdilər.

"Yağış başlayanda uşaqlar kilsəyə giriblər. Sönmüş şamları yandırıb dualarını ediblər. Qiqo isə mal-qaranı ötürmək üçün yuxarı qalxıb. Uşaqlar da Qiqoya kömək etmək üçün kilsədən çıxıblar. Qəfildən güclü şimşək çaxıb.

Göy bərk işıqlanıb. Qode xatırlayır ki, gözümü açanda yerə yıxıldığımı və çomağın da əlimdən düşdüyünü gördüm. O, Şotikonun huşsuz vəziyyətdə olduğunu və köynəyinin yuxarı qalxdığını görüb. Qode 'Şotiko, Şotiko!' deyə qışqırmağa başlayıb. Sonra yardım üçün kimisə tapmaq məqsədilə qışqıraraq kəndə tərəf qaçıb.

Qode yolda kəndlisi Qiorqi Çağinaşvili ilə maşında rastlaşıb. Bu arada Qiqo da peyda olub və huşsuz halda olan Şotikonu görərək onu qucağında gətirib. Uşağın bədəni buz kimi idi. Uşaqlar huşunu itirmiş Şotikonu maşınla Mecvrisxevi polis şöbəsinə aparıblar, orada polislər çevik tərpənərək təcili tibbi yardım briqadasını vaxtında çağırıblar", — deyə Mano Qiqolaşvili "Qartlis Ambebi"yə bildirir.

İldırım vurması nəticəsində yaralanan uşaq əvvəlcə Qorinin "Qormed" klinikasına aparılıb, daha sonra isə Tbilisiyə, İaşvili klinikasına köçürülüb. Mano Qiqolaşvili deyir ki, həmin ağır dəqiqələrdə ailə Allahın rəhmini xüsusilə hiss edib.

"Uşaqlarımızı həqiqətən möcüzə xilas etdi. Rəbbin yanımızda olduğunu hiss etdik", — deyə Mano bildirir və yeniyetmələrin valideynlərinə səslənərək böyütdükləri igid övladları ilə fəxr etməli olduqlarını deyir.