Laqodexidə merin nümayəndəsi evində ölü tapılıb

Laqodexi bələdiyyəsinin Baisubani kənd inzibati ərazisində merin nümayəndəsi ölü tapılıb. "Mtavari Ambebi Kaxeti" nəşrinin yazdığı məlumata görə, 64 yaşlı Giorgi Barbakadze ov tüfəgindən baş nahiyəsinə atəş açaraq intihar edib.

XEBER.GE xeber  verir ki, yerli sakinlərin məlumatına görə, Barbakadzenin heç kimlə münaqişəsi olmayıb. Onların sözlərinə görə, bu mərhələdə merin nümayəndəsini suisidə sövq edə biləcək hər hansı digər zəmin və ya səbəb nəzərə çarpmır.

DİN-in məlumatına görə, baş vermiş faktla bağlı Cinayət Məcəlləsinin özünü öldürmə həddinə çatdırmağı nəzərdə tutan 115-ci maddəsi ilə araşdırma başlanıb.