İdman Sarayının reabilitasiyasına tezliklə başlanılacaq

Tbilisi meri Kaxa Kaladzenin sözlərinə görə, İdman Sarayında və onun ətrafında çoxlu problemlər mövcuddur və reabilitasiya yaxın gələcəkdə başlanacaq.

Kaladze bu barədə paytaxt hökumətinin iclasında bildirib.

"İdman Sarayının hazırkı vəziyyəti qənaətbəxş deyil, çoxlu problemləri və qüsurları var. Buna görə də yenidənqurma işlərinə ehtiyac var. İdman Sarayının ətrafındakı vəziyyət isə qətiyyən qəbuledilməzdir və çox ağırdır. Buna 

görə də bütün bunların yenilənməsi vacibdir," — deyə Kaxa Kaladze vurğulayıb.

Merin sözlərinə görə, reabilitasiya İdman Sarayının döşəmə örtüyünü, oturacaqları, divarları, ziyarətçilərin hərəkət məkanlarını, soyunma otaqlarını, VIP girişləri, mebelləri və digər sahələri əhatə edəcək. Tarixi materiallar qorunacaq və İdman Sarayı işıqlandırma, səs, video, ekran, səhnə, ayırıcı sistemlər, xüsusi effektlər və digər cihaz və sistemlər də daxil olmaqla, lazımi avadanlıq və sistemlərlə təchiz olunacaq.

Həmçinin İdman Sarayının ətrafında açıq və istirahət məkanlarının bərpası, metroya enən pilləkənlərin və ətraf məkanların abadlaşdırılması, parkinq zonasının təmiri və nəqliyyat planının tənzimlənməsi də nəzərdə tutulub.

İdman Sarayının binası 2007-ci il müqaviləsinə əsasən "Logic Group" şirkətinə idarəetmə hüququ ilə verilmiş bələdiyyə müəssisəsinə məxsusdur.

mənbə:marneulifm