Gürcüstanın orta məktəblərində müəllimlərə telefon qadağası tətbiq olunacaq

Gürcüstanın Təhsil, Elm və Gənclər Nazirliyi məktəblərdə tədris prosesi zamanı şagirdlərlə yanaşı, müəllimlər üçün də mobil telefonlardan istifadənin məhdudlaşdırılması üzərində işləyir.

Xeber.ge xəbər verir ki, bu barədə nazirlikdən "Tabula" nəşrinə verilən məlumatda bildirilib. Qeyd olunub ki, bu təşəbbüsün əsas məqsədi müəllimlərin şagirdlərə nümunə olmasıdır.

"İdeyanın mahiyyəti ondan ibarətdir ki, müəllim şagird üçün örnək təşkil etməlidir", - deyə qurumdan bildirilib.

Xatırladaq ki, Gürcüstan Parlamenti dekabrın 10-da təhsil sisteminin islahatı ilə bağlı qanun layihəsini üçüncü, yekun oxunuşda qəbul edib.