Dövlət Təhlükəsizliyi Xidmətinin rəhbəri vəzifəsindən ayrılır
Gürcüstanın Baş naziri İrakli Kobaxidzenin bəyanatına görə, Dövlət Təhlükəsizliyi Xidmətinin rəhbəri Qriqol Liluashvili vəzifəsini tərk edir.
Bu barədə Kobaxidze Hökumət Administrasiyasında keçirilən brifinqdə məlumat verib.
Baş nazirin sözlərinə görə, Gürcüstanın Regional İnkişaf Nazirliyi ayrıca, müstəqil qurum kimi formalaşdırılacaq və Qriqol Liluashvili bu yeni nazirliyin rəhbəri olacaq.
“Bildiyiniz kimi, Liluashvili oktyabr ayında vəzifəsini tərk etməli idi – onun səlahiyyət müddəti başa çatır. Qanuna əsasən, o, bu vəzifəyə yenidən təyin oluna bilməzdi. Cənab Qriqol Liluashvili Dövlət Təhlükəsizliyi Xidmətinin rəhbəri vəzifəsindən ayrılıb və müvafiq qanun qəbul olunduqdan sonra Gürcüstanın Regional İnkişaf naziri vəzifəsini tutacaq”, – deyə Kobaxidze bildirib.
mənbə: interpress
