Didubedə metro qəzası: Sərnişin relslərin üzərinə yıxıldı

Tbilisidə, "Didube" metro stansiyasında sərnişinin relslərin üzərinə yıxılması nəticəsində bədbəxt hadisə baş verib. İnsident səbəbindən metronun "Sadquris Moedani" stansiyasından "Axmetelis Teatri" stansiyası istiqamətinə qatarların hərəkəti müvəqqəti olaraq dayandırılıb.

XEBER.GE xəbər verir ki, hazırda hadisə yerində xüsusi xidmət orqanları çalışır.

Relslərin üzərinə yıxılan sərnişinin səhhəti, xəsarət alıb-almaması və hadisənin hansı şəraitdə baş verməsi barədə hələlik əlavə rəsmi məlumat verilməyib.

Tbilisi Nəqliyyat Şirkəti sərnişinlərə müraciət edərək yaranmış gecikmə və məhdudiyyətləri nəzərə almağı xahiş edir.

Hazırda xəttin digər hissələrində qatarların hərəkətinin bərpası istiqamətində işlər aparılır.