30 min avroluq oğurluq edən Gürcüstan vətəndaşı Avropada saxlanılıb

İtaliyada mənzillərdən silsilə oğurluqlar etməkdə şübhəli bilinən Gürcüstan vətəndaşı hüquq-mühafizə orqanları tərəfindən saxlanılıb.

Xeber.ge xəbər verir ki, bu barədə İtaliyanın nüfuzlu "ilrestodelcarlino" nəşri məlumat yayıb.

Məlumata görə, italyan polislər tərəfindən keçirilən əməliyyat zamanı saxlanılan 35 yaşlı gürcüstanlı kişinin üzərindən və gizləndiyi yerdən evlərdən oğurlanmış, ümumi dəyəri 30 000 avrodan çox olan müxtəlif qiymətli əşyalar və fərqli qənimətlər aşkar edilərək müsadirə olunub.

Şübhəli şəxs polis bölməsinə aparıldıqdan sonra onun barəsində dərinləşdirilmiş araşdırma başladılıb. İstintaqın gedişində məlum olub ki, sözügedən şəxs mənzil oğurluqlarını və qanunsuz əməlləri əslində Avstriya ərazisində törədibmiş.

Lakin o, cinayət məsuliyyətindən qaçmaq üçün qonşu ölkəyə keçsə də, yekunda İtaliyada qandallanıb.

Məhkəmə və hüquqi prosedurların ardınca saxlanılan Gürcüstan vətəndaşı cinayət işinin açıldığı və hadisənin baş verdiyi Avstriya tərəfinə rəsmən təhvil verilib.

Hazırda onun barəsində Avstriya hüquq-mühafizə orqanları tərəfindən genişmiqyaslı istintaq hərəkətləri davam etdirilir.