Tbilisidə narkotik cinayətlərinə görə 4 nəfər saxlanıldı
Tbilisi Polis İdarəsinin Qldani-Nadzaladevi və İsani-Samqori baş idarələrinin əməkdaşları həyata keçirdikləri operativ-istintaq tədbirləri nəticəsində narkotik cinayətlərinə görə 4 nəfəri saxlayıblar.
Bu barədə Gürcüstan Daxili İşlər Nazirliyi məlumat yayıb.
Nazirliyin açıqlamasında bildirilib ki, saxlanılanlar – 2005-ci il təvəllüdlü S.G., 1999-cu il təvəllüdlü A.Ç., 1998-ci il təvəllüdlü G.Ç. və əvvəllər məhkum olunmuş 1992-ci il təvəllüdlü V.G. – böyük və xüsusilə böyük miqdarda narkotik maddələrin, psixotrop vasitələrin və marixuananın qanunsuz əldə edilməsi, saxlanılması, satış cəhdi və satışına köməklik, eləcə də həkim təyinatı olmadan narkotik maddələrdən qanunsuz istifadə ittihamı ilə tutulublar.
Saxlanılanların şəxsi əşyalarına, avtomobillərinə və yaşayış evlərinə baxış zamanı, həmçinin onların göstərdiyi yerlərdən maddi sübut kimi müxtəlif narkotik vasitələr, o cümlədən "metadon", "pregabalin", "ketamin", "MDMA" və qurudulmuş marixuana aşkarlanaraq götürülüb.
Bundan əlavə, polis əməliyyatları zamanı narkotik maddələrin qablaşdırılması üçün lazım olan ləvazimatlar, yapışqan lentlər, polietilen bağlamalar və elektron tərəzi də maddi sübut kimi götürülüb.
Qeyd edək ki, bu cinayətlərə görə 20 ilədək azadlıqdan məhrumetmə cəzası nəzərdə tutulur. Faktla bağlı Gürcüstan Cinayət Məcəlləsinin 260-cı, 260-çı kvartal, 261-ci, 19-260-çı tersiya və 273-cü maddələri ilə istintaq aparılır.
mənbə: interpress
