Tbilisidə 1 avqustdan saatlıq parkinq sistemi tətbiq olunacaq küçələr
Tbilisidə yeni parkinq zonası yaradılacaq.
- Bu barədə Tbilisi meri Kaxa Kaladze şəhər hökumətinin iclasında məlumat verib.
Onun sözlərinə görə, saatlıq parkinq sistemi 2025-ci il avqustun 1-dən Mtaçminda rayonu, Vazisubani qəsəbəsi, Didi Diğomi, Baqebi qəsəbəsinin bəzi ünvanları və Beri Qabriel Salos prospektində qüvvəyə minəcək.
“Bildiyiniz kimi, biz artıq bəzi rayonlarda bu islahatlara başlamışıq və zonalı-saatlıq parkinq sistemini tətbiq etmişik. Bu sistem sakinlərə, avtomobillərini qeydiyyatdan keçirdikləri yaşayış ünvanı üzrə – dövlət qeydiyyat nişanları ilə – yaşadıqları evin yaxınlığında pulsuz parkinqdən istifadə etmək imkanı verir. 1 avqustdan bu sistem Mtaçminda, Vazisubani, Didi Diğomi, Baqebi və Beri Qabriel Salos prospektinin müəyyən ünvanlarında fəaliyyətə başlayacaq,” – deyə Kaladze bildirib.
Onun sözlərinə görə, sakinlər 1 iyuldan etibarən avtomobillərini qeydiyyatdan keçirmək üçün saatlıq parkinq ərazilərində yerləşdirilmiş məlumat köşklərinə müraciət edə biləcəklər.
“Əlbəttə ki, saatlıq parkinq tətbiq olunacaq bütün küçələrdə və zonalarda məlumat köşkləri yerləşdiriləcək. Vətəndaşlar bu köşklərdə bizim əməkdaşlardan qeydiyyatla bağlı bütün lazımi yardımı ala biləcəklər ki, evlərinin yaxınlığında parkinq üçün əlavə ödəniş etməyə ehtiyac qalmasın,” – deyə Tbilisi meri əlavə edib.
Tbilisi meriyasının məlumatına görə, Mtaçminda rayonunda ümumilikdə 596 parkinq yeri müəyyən olunub.
Saatlıq parkinq sistemi aşağıdakı küçələri əhatə edəcək:
Mitropane Lağidze, Aleksandre Qriboyedov, Aleksandre Çavçavadze, Arsena, Dzmebi Zubalaşvilebi, Besiki, Pavle İnqoroqva, Şio Çitadze, Vukol Beridze, Zurab Jvania, Taras Şevçenko, Lesia Ukrainka, Mtaçminda, Daniel Çonqadze, Dzmebi Kakabadzebi və Zakaria Çiçinadze küçələri.
Digər ərazilər üzrə: - Vazisubani – Osip Mandelştam və 17 Şindisi qəhrəmanı küçələrində 160 parkinq yeri;
- Didi Diğomi – Çar Parnavaz prospekti, Qiorqi Brdzğinvali küçəsi (Çar Parnavaz ilə kəsişməyə yaxın hissə) və Petre İberi küçəsində 324 parkinq yeri;
- Beri Qabriel Salos prospekti – 160 yer;
- Baqebi – Zurab Sakandelidze küçəsi və Tskneti şossesi üzərində 100 yer ayrılacaq.
Məlumat köşkləri aşağıdakı ünvanlarda yerləşdiriləcək:
- Besiki küçəsi N25-in qarşısı
- Taras Şevçenko küçəsi N5
- Aleksandre Çavçavadze küçəsi N9
- Tskneti şossesi N49-un qarşısı
- Beri Gabriel Salos prospekti N112 və N142
- Osip Mandelştam küçəsi N3
- Çar Parnavaz prospekti N1 və N35
- Petre İberi küçəsi N24
mənbə: marneulifm
