Tbilisi Şəhər Məhkəməsində 7 noyabr işi üzrə Mixeil Saakaşvilinin məhkəmə prosesi keçirilir

Tbilisi Şəhər Məhkəməsində 7 noyabr işi üzrə Gürcüstanın sabiq prezidenti Mixeil Saakaşvilinin və onunla birlikdə təqsirləndirilən keçmiş yüksək vəzifəli şəxslərin məhkəmə prosesi davam edir.

Mixeil Saakaşvili bugünkü iclasa “Vivamed” klinikasından onlayn qoşulub.

Bu günkü məhkəmə iclasında prokurorluğun sübutlarının araşdırılması davam edəcək – xüsusilə şahid Zurab Nonikaşvili dindirəcək. Onun əsasən “İmedi” televiziya kanalının lisenziyasının dayandırılması məsələsindən danışacağı gözlənilir.

Xatırladaq ki, dövlət ittihamı Mixeil Saakaşvilini 2007-ci il 7 noyabr mitinqinin zorakılıqla dağıdılmasında, “İmedi” televiziyasına hücumda və Badri Patarkatsişvilinin əmlakını qanunsuz ələ keçirməkdə ittiham edir.

Sabiq prezidentə ittiham Gürcüstan Cinayət Məcəlləsinin 333-cü maddəsinin üçüncü hissəsi ilə irəli sürülüb. Bu maddə vəzifə səlahiyyətlərini aşma və bu əməllə fiziki və ya hüquqi şəxsin hüquqlarına, cəmiyyətin və ya dövlətin qanuni mənafeyinə ciddi ziyan vurulmasını nəzərdə tutur. İttiham üzrə 5 ildən 8 ilədək azadlıqdan məhrumetmə cəzası nəzərdə tutulur.

Bu iş üzrə Saakaşvili ilə birlikdə Vano Merabişvili, Zurab Adeişvili, David Kezerashvili və Gigi Uqulava da təqsirləndirilir.

mənbə: interpress