Rustavidə qəsdən adam öldürməyə cəhd edən şəxs saxlanılıb

Gürcüstan Daxili İşlər Nazirliyinin Kvemo Kartli Polis Departamentinin əməkdaşları tərəfindən qəsdən adam öldürməyə cəhd ittihamı ilə 1992-ci il təvəllüdlü, əvvəllər məhkum olunmuş L.F. Rustavi şəhərində saxlanılıb.

Xeber.ge xəbər verir ki, qurumun yaydığı məlumatda bildirilir ki, istintaqla müəyyən edilib ki, təqsirləndirilən şəxs Rustavidə qarşılıqlı mübahisə zəminində yaranmış qarşıdurma zamanı 1988-ci il təvəllüdlü D.Q.-yə soyuq silahla bir neçə xəsarət yetirərək hadisə yerindən qaçıb. 

Yaralı şəxs tibbi yardım göstərilməsi məqsədilə klinikaya yerləşdirilib.

Faktla bağlı Gürcüstan Cinayət Məcəlləsinin 19-108-ci maddəsi (qəsdən adam öldürməyə cəhd) ilə istintaq aparılır.

Bu maddə 15 ilədək müddətə azadlıqdan məhrumetmə cəzasını nəzərdə tutur.