Qomi dağı yolunda faciə: Turist mikroavtobusu dərəyə aşdı, ölənlər var

Qomi dağı yolunda bir qədər əvvəl ağır yol-nəqliyyat hadisəsi baş verib — "Pirveli"yə hadisə yerindən şahidlərin verdiyi məlumata görə, həlak olanlar Belarus vətəndaşlarıdır.

XƏBƏR.GE xəbər verir ki, yerli sakinlərin sözlərinə görə, yaralananlar da var, onların arasında uşaqlar da mövcuddur. Xəsarət alanlar Ozurqeti və Çoxatauri klinikalarına çatdırılıblar.

Qomi dağı yolunda təcili yardım, xilasetmə və patrul polisi heyətləri səfərbər olunub.

Məlum olur ki, turistlərlə dolu mikroavtobus dərəyə aşıb. Xilasetmə əməliyyatı hazırda da davam edir — insanların dərədən çıxarılması prosesi sürdürülür.

Hadisə ilə bağlı Cinayət Məcəlləsinin 276-cı maddəsi ilə təhqiqat başladılıb.