Parlament biznes-ombudsmanın aparatının ləğvini birinci oxunuşda dəstəkləyib

Parlament biznes-ombudsmanın aparatının ləğvinə və "Gürcüstanın Biznes-ombudsmanı haqqında" qanunun qüvvədən düşmüş hesab edilməsinə dəstək verib.

Müvafiq qanun layihəsi və onunla bağlı dəyişikliklər paketi birinci oxunuşda 76 səslə yekdilliklə qəbul olunub.

Dəyişikliklərə əsasən, 2026-cı ilin 1 yanvarından etibarən biznes-ombudsman və onun müavinlərinin vəzifələri ləğv edilir, biznes-ombudsmanın aparatı isə ləğv olunacaq.
Biznes-ombudsman fəaliyyətini İqtisadiyyat və Davamlı İnkişaf Nazirliyində nazirin müşaviri kimi davam etdirəcək.

Məsələnin müzakirəsi zamanı Parlamentin İqtisadi Siyasət Komitəsinin sədri Şota Berekaşvilinin sözlərinə görə, biznes fəaliyyəti dəstəyi məqsədilə həm İqtisadiyyat və Davamlı İnkişaf Nazirliyində, həm də Maliyyə Nazirliyində müvafiq qurumlar fəaliyyət göstərir. Bundan əlavə, eyni istiqamətdə tənzimləyici komissiyalar və biznes assosiasiyaları da çalışırlar. Buna görə də, Berekaşvilinin fikrincə, ayrıca institut – biznes-ombudsman aparatı artıq zəruri hesab olunmur və onun ləğvi gündəmə çıxarılıb.

mənbə: marneulifm