"Okros Kidobani" ticarət mərkəzində yanğın: İlkin səbəblər məlum olub

"Okros Kidobani" ticarət mərkəzində nə baş verib və Vağzal meydanı yaxınlığında növbəti yanğın niyə çıxıb? — Hazırda zərərçəkmiş satıcılar dünən gecəyədək yanğınsöndürən-xilasedicilərin işlədiyi ticarət obyektlərinə ilk dəfə daxil olurlar.

Xeber.ge xeber  verir ki, satıcıların "Pirvelebi"yə verdiyi məlumata görə, versiyalardan birinə əsasən, yanğın ilkin olaraq qida obyektində başlayıb, kafeteriyada yaranan alov daha sonra parça mağazasına da keçib. Səbəbin elektrik naqillərindəki nasazlıq olduğu ehtimal edilir. Zərər var, lakin onun dəqiq məbləği hələlik müəyyən edilməyib. "Zərərin miqdarını hələ tam bilmirlər, həm geyim, həm də parça mağazaları yanıb. İndi mağaza sahibləri içəri giriblər və vəziyyəti dəqiq görəcəklər.

Bu mərtəbəyə alov keçməyib, mən də yanğın barədə dünən televiziyadan bildim. Həmin mərtəbədə kafe-restoran və ikinci əl mağazaları var, deyilənə görə, yanğın elə o restoranda başlayıb. Yanğın 'Qızıl birjası'na da keçə bilərdi", — deyə "Okros Kidobani"nin mağazalarından birinin məsləhətçisi bildirir.