Marneulidə qətl hadisəsi törədilib

Marneuli şəhərində ağır cinayət hadisəsi baş verib.

Xeber.ge xeber  verir ki, gənc bir kişi naməlum şəxs və ya şəxslər tərəfindən bıçaqlanaraq qətlə yetirilib.

Məlumata əsasən, şəxs boğaz nahiyəsindən aldığı ağır kəsici-deşici yara ilə xəstəxanaya çatdırılsa da, tibbi müdaxilələrə baxmayaraq, orada vəfat edib.

Hadisənin motivi hələlik məlum deyil.

Faktla bağlı Gürcüstan Daxili İşlər Nazirliyi tərəfindən Cinayət Məcəlləsinin 108-ci maddəsi (Qəsdən adam öldürmə) ilə istintaq başladılıb.

Hazırda cinayəti törədən şəxsin şəxsiyyətinin müəyyən edilməsi və saxlanılması istiqamətində təxirəsalınmaz əməliyyat-istintaq tədbirləri davam etdirilir.