Kvemo Kartlidə qətl – kişi meyiti öz həyətində basdırıb

Kvemo Kartlidə qətl — polis qəsdən adam öldürməkdə ittiham olunan 46 yaşlı şəxsi saxlayıb.

 "DİN"-nin məlumatına görə, ağır cinayətdə təqsirləndirilən şəxs əvvəllər də müxtəlif cinayətlərə görə məhkum olunub.

Xeber.ge xəbər verir ki, istintaq materiallarına əsasən, sərxoş vəziyyətdə olan C.A. və D.D. arasında yaranan mübahisə fiziki qarşıdurmaya çevrilib. Nəticədə D.D. tarazlığını itirərək pilləkənlərdən yıxılıb və beton plitəyə düşüb. Aldığı xəsarətlərdən o, hadisə yerində ölüb. Təqsirləndirilən şəxs isə izləri gizlətmək üçün meyiti evinin həyətində basdırıb.

Qvemo Kartli polisinin apardığı istintaq-eksperiment nəticəsində D.D.-nin meyiti məhz təqsirləndirilən şəxsin həyətində tapılıb.

C.A. hadisə yerində, isti izlərlə saxlanılıb.
İstintaq Cinayət Məcəlləsinin 108-ci maddəsi ilə aparılır — bu maddə qəsdən adam öldürməni nəzərdə tutur.

Cinayətə görə 10 ildən 15 ilədək azadlıqdan məhrumetmə cəzası təyin oluna bilər.