Gürcüstanda əsas ərzaq və xidmətlərin qiymətləri kəskin artdı

. “Geostat” inflyasiyanı əks etdirən ətraflı hesabat dərc edib. Hesabatda son bir ay ərzində 305 əsas mal və xidmət üzrə qiymət dəyişiklikləri əks olunub. Ümumilikdə noyabr ayında illik inflyasiya göstəricisi 4,8% təşkil edib və buna əsas təsir ərzaq qrupunda qiymətlərin 10% artması olub.

Xeber.ge xəbər verir ki, eyni zamanda, əsas istehlak məhsulları arasında qiymətləri iki rəqəmli faizlə bahalaşan çoxlu sayda məhsul var. Xüsusilə, ötən ay ölkədə çörəyin qiyməti artıb və nəticədə bu məhsul ən çox bahalaşan məhsulların top-10 siyahısına daxil olub.

Ən çox bahalaşan məhsullara gəldikdə isə, birinci yerdə 102% artımla gavalı qərarlaşıb, ikinci yerdə isə 53% bahalaşma ilə armuddur. Bundan əlavə, kakaonun, kartofun, şaftalının və digər ərzaq məhsullarının qiymətlərində də kəskin artım qeydə alınıb.

2025-ci ilin noyabr ayında illik inflyasiya üzrə ən çox bahalaşan mal və xidmətlər:

Gavalı – 101,8%

Armud – 53,0%

958 əyarlı nikah üzüyü (qızıl) – 47,2%

Limon – 45,5%

Şaftalı – 35,7%

Kartof – 28,6%

Dondurma – 26,9%

Xəstəxana xidmətləri – 25,5%

Buğda çörəyi – 21,5%

Kakao – 21,2%