Erməni̇stan və Azərbaycan fəal şəkildə Rusiyaya qarşı çıxır
Həbsdə olan sabiq prezident Mixeil Saakaşvili Ermənistan və Azərbaycan arasında Rusiya Federasiyası ilə son dövrlərdə yaranan münasibətlərə münasibət bildirərək bəyan edib ki, Gürcüstan onların yanında olmalıdır.
"Ermənistan və Azərbaycan fəal şəkildə Rusiyaya qarşı çıxır, İvanişvili isə Rusiyaya qaçır və Gürcüstanı da öz arxasınca aparır", – deyə Saakaşvili Facebook-da yazıb və əlavə edib:
"Biz Qafqazlıyıq, rus deyilik, Qafqaz haradadırsa, biz də orada olmalıyıq".
Son vaxtlar Ermənistan və Azərbaycanda — beynəlxalq çağırışlar və dəfələrlə verilmiş vədlərə baxmayaraq hələ də sülh sazişi imzalanmayan bu iki ölkədə — mühüm hadisələr baş verir:
Ermənistanda siyasi dairələr kilsədə "KQB-nin təsirindən" danışdığı bir vaxtda, Nikol Paşinyan kilsə rəhbəri II Qareginə qarşı sərt çıxış edib və onun istefasını tələb edir; eyni zamanda Ermənistanla Avropa İttifaqı arasında münasibətlər daha da dərinləşir; Ermənistanla Türkiyə arasında çətin və yəqin ki, uzun çəkəcək normallaşma prosesi də başlanıb;
Azərbaycanla Moskva arasında münasibətlər gərginləşib – Yekaterinburqda keçirilmiş xüsusi əməliyyat nəticəsində iki azərbaycanlının öldürülməsindən sonra Bakı təkcə sərt bəyanatla kifayətlənməyib, həm də Rusiyanın hökumətyönlü təbliğat orqanı olan "Sputnik"i bağlayıb və orada çalışan "FSB-nin iki agentini" saxlayıb. Ekspertlərin fikrincə, Bakının bu sərt reaksiyası genişmiqyaslı geosiyasi dəyişikliklərin nəticəsidir.
mənbə: marneulifm
