DTX: saxta sənəd hazırlayan 4 nəfəri həbs etdik

Türkiyə və Gürcüstanın ikiqat vətəndaşlığı olan bir şəxs və yalnız Gürcüstan vətəndaşlığı olan üç nəfər sahibkarlıq fəaliyyəti ilə məşğul olaraq, saxta sənəd hazırlanması ittihamı ilə həbs edilib - məlumatı Dövlət Təhlükəsizlik Xidməti yayır.

Xeber.ge xəbər verir ki, Departamentin məlumatına görə, şübhəlilər Türkiyənin 16 vətəndaşına Gürcüstanda yaşama icazəsi almaq üçün Ədliyyə Nazirliyinin Dövlət Xidmətləri İnkişaf Agentliyinə təqdim etdiyi saxta sənədləri hazırlayıblar.

İstintaqla müəyyən edilmişdir ki, müəyyən şirkətlərlə müxtəlif formalarda əlaqəli şəxslər - mühasib, tərcüməçi və digər vəzifələrdə işləyənlər, şirkətin direktorlarının şəxsi məlumatlarından istifadə edərək və rəhbərlərdən gizlin, onların adından Türkiyə vətəndaşları üçün saxta əmək müqavilələri tərtib edirdilər, sanki bu şəxslər həmin şirkətlərin müəyyən vəzifələrində çalışırdılar.

Hər dörd şəxsə Cinayət Məcəlləsinin 362-ci maddəsinin birinci hissəsi ilə ittiham irəli sürülüb, bu da 3 ilədək azadlıqdan məhrumetmə ilə cəzalandırılır" - Dövlət Təhlükəsizlik Xidməti yazır.