AB-nin 13 ölkəsi Gürcüstanla bağlı bəyanat yaydı

Biz Gürcüstanda mövcud vəziyyətdən çox narahatıq.

Bu barədə AB-nin 13 ölkəsinin bəyanatında deyilir.

“Beynəlxalq müşahidəçilər seçki kampaniyası zamanı, eləcə də seçki günü qanun pozuntuları barədə məlumat veriblər. Biz azad və ədalətli seçkilərlə bağlı beynəlxalq standartların bütün pozuntularını pisləyirik.

Biz onların narahatlıqlarını bölüşür və şikayətlərin qərəzsiz araşdırılmasını və aşkar edilmiş pozuntuların aradan qaldırılmasını tələb edirik. Bu çətin zamanda biz gürcülərin tərəfindəyik.

Etirazların, xüsusən də hökumətin onlara reaksiyasının dinc şəkildə davam etməsi vacibdir. Seçkilərin ədalətliliyinin pozulması Avropa Birliyinə namizəddən gözlənilən standartlara uyğun gəlmir. Bunlar gürcü xalqının qanuni Avropa istəklərinə xəyanətdir. Qanunun aliliyinin və azad və ədalətli seçkilərin qorunması Gürcüstanın AB yolunda istənilən irəliləyişinin tərkib hissəsidir.

Baş nazir Orbanın Gürcüstana vaxtından əvvəl səfərini tənqid edirik. O, AB adından çıxış etmir”.

Bəyanatı Çexiya, Danimarka, Almaniya, Estoniya, Finlandiya, Fransa, İrlandiya, Litva, Niderland, Lüksemburq, Polşa, Portuqaliya və İsveçin xarici işlər nazirliklərinin nümayəndələri imzalayıblar.

mənbə: axar