Yük maşını oğurladı – tezliklə saxlanıldı

Daxili İşlər Nazirliyinin məlumatına görə, Kvemo Kartli Polis Departamentinin Qardabani rayon şöbəsinin əməkdaşları nəqliyyat vasitəsi oğurluğu ittihamı ilə keçmişdə məhkum olunmuş bir kişini saxlayıblar.

XEBER.GE xeber  verir ki, istintaq müəyyən edib ki, təqsirləndirilən şəxs Qardabani bələdiyyəsinin Martkopi kəndi yaxınlığında bir şirkətə məxsus yük avtomobilini qanunsuz ələ keçirib və hadisə yerindən qaçıb.

Aparılan istintaq hərəkətləri nəticəsində polis əməkdaşları cinayətkarın şəxsiyyətini operativ şəkildə müəyyənləşdirib və onu ittiham olunan qismində saxlayıblar. Oğurlanmış yük maşını Ozurgeti bələdiyyəsində aşkarlanıb və sübut kimi götürülüb.

İstintaq Cinayət Məcəlləsinin 177-ci maddəsinin 3-cü hissəsinin “d” bəndi ilə aparılır. Bu maddə 7 ilədək azadlıqdan məhrum etmə cəzasını nəzərdə tutur.