Yeni il günlərində hava şəraiti necə olacaq?

Xeber.ge xəbər verir ki, Milli Ətraf Mühit Agentliyinin proqnozuna görə, 3 yanvaradək soyuq və vaxtaşırı yağıntılı hava şəraiti davam edəcək.

Agentliyin yaydığı məlumata görə, Tbilisi şəhərində 31 dekabrın günün sonunda zəif sulu qar müşahidə oluna bilər, 1 yanvarın günün ikinci yarısından 2 yanvar səhərinədək isə qar yağacağı gözlənilir. Havanın temperaturu gecə 0…-2°, gündüz isə +2…+4° olacaq.

Sahil rayonlarında (Batumi, Kobuleti, Anaklia, Poti) yağıntı, əsasən qar şəklində gözlənilir. Havanın temperaturu gecə 0…+2°, gündüz +5…+7° təşkil edəcək.

Qərbi Gürcüstanın düzənlik rayonlarında (Zestafoni, Kutaisi, Samtredia, Zuqdidi, Martvili, Ozurgeti) yağıntı, əsasən qar şəklində gözlənilir. Gecə 0…-2°, gündüz +4…+6° olacaq.

Qərbi Gürcüstanın dağlıq rayonlarında (Ambrolauri, Oni, Tsageri, Şovi, Çiatura, Saçxere, Xulo, Rikoti aşırımı) qar və çovğun gözlənilir. Havanın temperaturu gecə -5…-7°, gündüz 0…-2° olacaq.

Qərbi Gürcüstanın yüksək dağlıq rayonlarında (Mestia, Baxmaro) qar və çovğun gözlənilir. Gecə -8…-10°, gündüz -3…-5° olacaq.

Kartli bölgəsində (Rustavi, Bolnisi, Marneuli, Qardabani, Qori, Tskhinvali) bəzi yerlərdə qar yağacağı gözlənilir. Havanın temperaturu gecə -2…-4°, Şida Kartlidə -7…-9°, gündüz isə +2…+4° olacaq.

Kaxeti bölgəsində (Sağareco, Telavi, Qurdjaani, Siğnaği, Laqodexi, Kvareli, Axmeta, Dedoplistskaro) bəzi yerlərdə qar yağacağı gözlənilir. Gecə -3…-5°, gündüz +2…+4° olacaq.

Şərqi Gürcüstanın dağlıq rayonlarında (Axaltsixe, Borjomi, Duşeti, Tianeti, Pasanauri) qar və çovğun gözlənilir. Gecə -10…-12°, gündüz 0…-2° olacaq.

Şərqi Gürcüstanın yüksək dağlıq rayonlarında (Axalkalaki, Tsalka, Bakuriani, Gudauri, Omalo) qar və çovğun gözlənilir. Havanın temperaturu gecə -13…-15°, gündüz -3…-5° təşkil edəcək.