Vəkilin məlumatına görə, Ermənistanda saxlanılan Qiorqi Kinoyan azad olunub

Sentyabrın 8-də Ermənistanda saxlanılmış Qiorqi Kinoyan azad edilib.

Bu barədə məlumatı onun vəkili Ani Çatinyan sosial şəbəkədə paylaşıb.

“Qiorqi Kinoyan azaddır!
Bu, qeyri-adi bir mübarizə idi — qeyri-adi ona görə ki, Gürcüstan vətəndaşı Kinoyan Rusiya Federasiyası tərəfindən axtarışda idi. Helsinki Citizens’ Assembly bütün mümkün addımları atdı və məsələ ilə bağlı Avropa İnsan Haqları Məhkəməsinə müraciət etdi.

Dünən, 36 günlük həbsdən sonra, Qiorqi Kinoyan “repatriasiya edilməmə prinsipi” əsasında azadlığa buraxılıb.
Helsinki Citizens’ Assembly ofisi bir daha bildirir ki, Ermənistan MDB ölkələri arasında imzalanmış ekstradisiya sazişinin icrasından dərhal imtina etməlidir, çünki bu sazişin ölkə konstitusiyasına uyğunluğu məsələsi hələ də müzakirə mövzusudur,” – deyə hüquq müdafiəçisi yazıb.

Rusiya Gürcüstan vətəndaşı Qiorqi Kinoyanı Ukrayna tərəfində döyüşməkdə ittiham edir.

2024-cü il 25 oktyabrda, Rusiya tərəfindən işğal olunmuş Donetskdəki qondarma “məhkəmə” onu 7 il azadlıqdan məhrumetmə cəzasına məhkum edib. Kinoyan Ermənistanda məhz Rusiya Federasiyası tərəfindən beynəlxalq axtarışa verildiyi üçün saxlanılmışdı.

mənbə: marneulifm