"Tbilisoba" ilə əlaqədar Tbilisinin bir sıra küçələrində nəqliyyatın hərəkəti məhdudlaşdırılır

"Tbilisoba" bayramı ilə əlaqədar olaraq paytaxtın bir sıra küçələrində nəqliyyatın hərəkəti müvəqqəti olaraq məhdudlaşdırılır.

XEBER.GE xeber  verir ki, bu barədə məlumatı Tbilisi Meriyası yayıb.

Oktyabrın 3-ü saat 01:00-dək Avropa meydanında və Metexi körpüsünün bir istiqamətində – Vaxtanq Qorqasal küçəsindən Avropa meydanı istiqamətində yol hərəkəti qismən məhdudlaşdırılır. Bu müddət ərzində Metexi enişindən, Qvinis (Şərab) enişindən, Kote Abxazi və Vaxtanq Qorqasal küçələrindən gələn nəqliyyat vasitələri Avropa meydanı istiqamətində hərəkət edə bilməyəcəklər.

Onların məlumatına görə, "Tbilisoba" tədbirləri başa çatanadək ictimai nəqliyyat Qorqasal küçəsindən Baratashvili küçəsinə Kote Abxazi küçəsindən keçməklə birləşəcək (Avropa meydanı, sol sahil və Baratashvili körpüsünün əvəzinə).

"Mtkvari sağ sahilindən Avropa meydanı istiqamətində hərəkət edən avtomobillər Vaxtanq Qorqasal küçəsindən keçməklə Metexi körpüsünə, Avropa meydanına, Metexi enişinə, Qvinis enişinə, Noe Jordaniya adına sol sahilə enən pandusa və Kote Abxazi küçəsinə çıxa bilməyəcəklər.

Qorqasal meydanı yaxınlığındakı küçələrə Zviad Gamsaxurdia adına sağ sahilindən Baratashvili körpüsü, sol sahil, tuneldən qalxan pandus və Metexi körpüsündən istifadə etməklə daxil olmaq mümkün olacaq. Sağ sahilindən sol sahilə keçmək Baratashvili körpüsü və ya 300 Aragveli körpüsü vasitəsilə həyata keçirilə biləcək.

Oktyabrın 3-ü saat 01:00-dən oktyabrın 6-sı saat 08:00-dək Avropa meydanında, Metexi enişində, Metexi körpüsündə, Qvinis enişində və tuneldən çıxan pandusda nəqliyyat hərəkəti tamamilə məhdudlaşdırılacaq.

Qorqasal küçəsindən gələn nəqliyyat vasitələri Qorqasal meydanı yaxınlığındakı küçələrə birbaşa, Metexi körpüsündə geri dönmədən daxil ola biləcəklər. Bu müddət ərzində də sağ sahilindən sol sahilə Baratashvili körpüsü və ya 300 Aragveli körpüsü vasitəsilə keçmək mümkün olacaq.

Həmçinin, oktyabrın 8-i saat 23:30-dək Prezident Sarayının qarşısında, Giorgi Atoneli küçəsində (İtaliya küçəsinə qədər) və Vaxtanq Orbeliani döngəsində yol hərəkəti tamamilə qadağan olunur.

Quru körpüdən gələn avtomobillər sağ sahilə yalnız İtaliya və Soliko Virsaladze küçələrindən keçməklə daxil ola biləcəklər, Qia Çanturia küçəsindən gələn avtomobillər isə sahilə yalnız Soliko Virsaladze küçəsindən keçməklə çıxa biləcəklər. Virsaladze, Çanturia küçələrindən və Quru körpüdən Atoneli küçəsi istiqamətində hərəkət edən avtomobillər Zviad Gamsaxurdia sağ sahilindən qalxan pandusdan və Baratashvili küçəsindən istifadə edə biləcəklər.

Bundan əlavə, oktyabrın 6-sı saat 01:00-dək Abano küçəsinin bir hissəsində – Vaxtanq Qorqasal küçəsindən İoseb Grişashvili küçəsinin kəsişməsinə qədər, həmçinin Grişashvili küçəsində Abano 1-ci döngəsinədək avtomobil hərəkəti məhdudlaşdırılır. Grişashvili küçəsinə Firdousi və Mirzə Fətəli Axundov küçələrindən istifadə etməklə daxil olmaq mümkün olacaq.

"Tbilisoba" tədbirlərinin hazırlıq işləri və tədbirin keçirildiyi dövrdə, oktyabrın 2-si saat 12:00-dan oktyabrın 5-i saat 06:00-dək avtomobillərin hərəkəti Kosta Xetagurov küçəsində də – "Visol" yanacaqdoldurma məntəqəsindən Xetagurov və Guram Saqaradze küçələrinin kəsişməsinədək müvəqqəti məhdudlaşdırılacaq.

Məhdudiyyət dövründə hər iki sahilindən Baratashvili körpüsünə və əks istiqamətdə avtomobillərin hərəkəti mövcud vəziyyətə uyğun olaraq qalacaq. Bununla yanaşı, nəqliyyat vasitələrinin hərəkəti Şota Gamcemlidze küçəsindən Xetagurov küçəsi istiqamətində məhdudlaşdırılacaq. Hərəkəti Nino Çkheidze küçəsindən istifadə etməklə həyata keçirmək mümkün olacaq.

Göstərilən müddətdə bələdiyyə nəqliyyatı İvane Cavaxişvili küçəsindən Baratashvili körpüsünə Kosta Xetagurov küçəsinin əvəzinə sol sahilindən keçməklə birləşəcək", – deyə məlumatda qeyd olunur.