Tbilisidə qrup halında zorakılıq: 4 nəfər saxlanılıb

Tbilisi Şəhər Polis İdarəsinin Köhnə Tbilisi Baş İdarəsinin əməkdaşları tərəfindən həyata keçirilən əməliyyat nəticəsində qəsdən sağlamlığa az ağır zərər vurma və qrup halında zorakılıq törətməkdə şübhəli bilinən 4 nəfər saxlanılıb.

Xeber.ge xəbər verir ki, Daxili İşlər Nazirliyinin  yaydığı xəbərdə bildirilir ki, saxlanılanlar 2004-cü il təvəllüdlü Z.T., 2000-ci il təvəllüdlü N.D., 1990-cı il təvəllüdlü Ş.Ş. və 1997-ci il təvəllüdlü R.M.-dir.

İstintaqla müəyyən edilib ki, təqsirləndirilən şəxslər cari ilin 7 fevral tarixində Tbilisidə qarşılıqlı mübahisə zəminində 1990-cı il təvəllüdlü V.A.-ya qəsdən az ağır bədən xəsarəti yetirib, digər iki nəfərə - 1988-ci il təvəllüdlü P.K. və 1990-cı il təvəllüdlü Q.Z.-yə qarşı isə fiziki zorakılıq tətbiq ediblər.

Xəsarət alan şəxslər dərhal xəstəxanaya yerləşdirilib və onlara zəruri tibbi yardım göstərilib.

Faktla bağlı Gürcüstan Cinayət Məcəlləsinin müvafiq maddələri ilə istintaq davam edir.