Tbilisi-Marneuli yolunda minik və yük avtomobillərinin toqquşması nəticəsində 1 nəfər ölüb

Tbilisi-Marneuli yolunda baş verən ağır yol-nəqliyyat hadisəsi nəticəsində 1 nəfər ölüb, 3 nəfər isə xəsarət alıb.

XEBER.GE xeber  verir ki, DİN "Tabula" nəşrinə məlumatı təsdiqləyib.

Mövcud məlumata görə, Marabda yaxınlığındakı yol sahəsində minik avtomobili ilə yük maşını toqquşub.

DİN-in məlumatına görə, faktla bağlı Gürcüstan Cinayət Məcəlləsinin nəqliyyat hərəkəti və ya istismarı qaydalarının pozulmasını nəzərdə tutan 276-cı maddəsi ilə istintaq başladılıb.