Sürücülərin nəzərinə: 3 ayda ən çox hansı qayda pozuntusuna görə cərimə yazılıb?

Gürcüstan yollarında hər il orta hesabla 3,3 milyon video cərimə yazılır. Daxili İşlər Nazirliyinin dərc etdiyi son statistikaya əsasən, təkcə 2026-cı ilin 3 ayı ərzində (yanvar-mart) artıq 927 189 video cərimə tətbiq olunub ki, bunun da 46,5%-i paytaxtın payına düşür.

XEBER.GE xeber verir ki, Gürcüstanda video cərimələr müxtəlif qayda pozuntularına görə tətbiq edilir: sürət həddinin aşılması, dövri texniki baxış (kameralar avtomobilin məcburi texniki baxışdan keçib-keçmədiyini avtomatik yoxlayır), işıqforun qırmızı işığında keçmə, avtobus zolağında ("busline") hərəkət etmə və s.

Sürət həddinin aşılması hər il video cərimələrin sayına görə liderlik edir. Məsələn, bu ilin 3 ayı ərzində sürətin 15 km/saatdan çox aşılmasına görə təxminən 531 min cərimə yazılıb ki, bu da ümumi video cərimələrin 57%-dən çoxudur.

"Business Press News" Daxili İşlər Nazirliyinin bu ilin ilk 3 ayında bölgələr üzrə yazdığı video cərimələrin sayını təqdim edib:

İmereti — 143 486

Acarıstan — 129 289

Şida Kartli — 48 943

Kvemo Kartli — 44 069

Sameqrelo-Zemo Svaneti — 43 313