Seçkilərdən bir həftə əvvəl Tbilisi meri yeni avtobusları xəttə buraxacaq
Tbilisi merinin seçilməsinə bir həftə qalmış paytaxtın meri bir neçə ay əvvəl alınmış, son 6 ay istifadə olunmamış 18 metrlik avtobusları xəttə buraxacaq.
Bu barədə “Gürcü Arzusu” partiyasının merliyə namizədi Kaxa Kaladze məlumat verib.
Bələdiyyə seçkiləri şənbə günü, 4 oktyabrda keçiriləcək, yeni avtobuslar isə dəqiq olaraq bir həftə əvvəl, 27 sentyabrdan marşrutlara çıxarılacaq.
“Bu gün mənim üçün çox xoşdur, hamınızı təbrik edirəm! Dediyim kimi, 27 sentyabrdan bu gözəl, yeni 18 metrlik avtobuslar paytaxt sakinlərinə xidmət göstərəcək,” – deyə Kaladze bildirib.
Təqdimata başlamazdan əvvəl o, özü bir 18 metrlik avtobusu idarə edib və onun xüsusiyyətlərini izah edib: “Əyləclər, manevr qabiliyyəti – çox yaxşıdır.”
Yeni avtobusların konkret hansı marşrutlara paylanacağı hələ məlum deyil. Avtobusların bir hissəsi son bir neçə ay ərzində aşağıdakı marşrutlarda hərəkət edib:
- N301 (Müqəddəs Barbare rayonu – Politkovskaya küçəsi)
- N302 (Didi Diğomi – Universitetin Mağliv binası)
- N308 (Qldani – Kolmeurneoba meydanı)
- N310 (Varketili – Mağliv binası)
- N314 (Didi Diğomi – Kolmeurneoba meydanı)
2025-ci ilin martında “Azadlıq Radiosu” xəbər vermişdi ki, paytaxt meri tərəfindən alınmış 160 ədəd 18 metrlik avtobus Tbilisi Nəqliyyat Şirkətinə təhvil verilib, lakin onların çoxu marşrutlara paylana bilməyib, çünki avtobus bazasının tikintisi tamamlanmamışdı. Avtobus bazasının tikintisi 2024-cü ilin dekabrında tamamlanmalı idi, amma vaxt uzanıb.
Tbilisi meriyası 160 ədəd yeni 18 metrlik avtobusun alınması üçün 2023-cü ilin iyun ayında
müqavilə bağlayıb. Bir avtobusun qiyməti 1 618 759 lari olub, ümumi məbləğ isə 259 milyon lari təşkil edib.
Avtobusların 43 oturacaq yeri var və 162 sərnişin tutumuna malikdir. Maksimal sürəti saatda 80 km-dir. Onlarda 100 sərnişin üçün Wi-Fi, USB şarj cihazları, elan sistemi və informasiya lövhəsi quraşdırılıb.
mənbə: marneulifm
