Rusiya Gürcüstanla dəmiryol nəqliyyatını bərpa etmək istəyir

Rusiya ilə Gürcüstan Abxaziyadan keçən dəmir yolu nəqliyyatının bərpasını nəzərdən keçirir.

Bu barədə Rusiya Baş nazirinin müavini Aleksey Overçuk deyib.

O bildirib ki, Qafqazda zədələnmiş bütün yolların açılması, o cümlədən Rusiya Federasiyası ilə Gürcüstan arasında Abxaziya ərazisindən keçən dəmir yolu nəqliyyatının bərpası üzrə işlər aparılır.

Onun sözlərinə görə, Ermənistanın Arazdəyən bölgəsini Azərbaycanla, eləcə də Düzkənd (Arpaçay, Axuryan) bölgəsini Türkiyə ilə birləşdirəcək dəmir yolunun bərpası ilə bağlı danışıqlara başlanılıb. Bərpa işləri Rusiyanın Fars körfəzi və Hind okeanındakı limanlara çıxışı olan Azərbaycan, Türkiyə və İranla əlaqəsini təmin edəcək.

mənbə: axar