Qardabanidə qrup halında zorakılıq

Qardabani rayonunda kütləvi dava və fiziki zorakılıq faktı qeydə alınıb. İki şəxs həmkəndlisini vəhşicəsinə döyərək hadisə yerindən qaçıb.

Daxili İşlər Nazirliyinin verdiyi məlumata görə, fiziki qarşıdurmadan əvvəl tərəflər arasında kəskin sözlü mübahisə yaşanıb.

XEBER.GE xəbər verir ki, hüquq-mühafizə orqanları tərəfindən həyata keçirilən operativ-axtarış tədbirləri nəticəsində cinayəti törədənlər qısa müddətdə ələ keçirilib.

Gərginliyə operativ müdaxilə edən DİN-in Kvemo Kartli Polis Departamentinin Qardabani Rayon İdarəsinin əməkdaşları, qrup halında zorakılıq törətməkdə şübhəli bilinən 2 şəxsi hadisədən az sonra saxlayıblar.

Faktla bağlı cinayət işi açılıb və hər iki şəxs barəsində hüquqi müstəvidə tədbirlər görülür:

İstintaq Gürcüstan Cinayət Məcəlləsinin 126-cı prima maddəsinin 1-ci hissəsi (Qrup halında zorakılıq) ilə aparılır.

Bu maddə qanunvericiliyə əsasən 2 ilədək müddətə azadlıqdan məhrumetmə cəzasını nəzərdə tutur.