Polşa səfirliyi Gürcüstana səfər etmək istəyən vətəndaşlarına xəbərdarlıq edir

Gürcüstanda keçirilən etiraz aksiyaları nəzərə alınmalıdır, çünki nümayişlərdə iştirak edən şəxslər yüksək məbləğdə cərimələnə bilərlər.

Bu barədə Polşa səfirliyin bəyanatında qeyd olunur.

“Gürcüstana, o cümlədən Aİ üzv ölkələrinin vətəndaşları üçün ölkəyə daxil olmağın rədd edilməsi hallarının çoxluğu səbəbindən səfərdən əvvəl nəzərə alın: sizin halda Gürcüstana daxil olmağa mane olacaq risk amilləri varmı? Bu, nümayişlərdə iştirak və ya yaxınlıqda olmaq, həmçinin sosial şəbəkələrdə müəyyən fəaliyyətləri əhatə edə bilər. Xatırladırıq ki, Gürcüstan hakimiyyəti ölkəyə gələn əcnəbilərlə bağlı risk amillərini qiymətləndirmək və ölkəyə girişdən imtina qərarını qəbul etmək suveren hüququna malikdir. Bu, hətta Gürcüstanda yaşayış icazəsi olan şəxslərə də aid edilə bilər. Eyni zamanda qeyd edirik ki, nümayişlərdə iştirak – hətta ehtimal olunan iştirak – əcnəbilər üçün yüksək cərimələrlə nəticələnə bilər və Gürcüstana təkrar daxilolma dərhal ödənişi tələb edə bilər”, – deyə bəyanatda vurğulanır.

mənbə: interpress